Zgjedhjet e rregullta për Kuvendin e Republikës së Kosovës do të mbahen me 9 shkurt 2025.
Javë më parë me anë të dekretit, e para e shtetit e ka udhëzuar Komisionin Qendror të Zgjedhjeve që t’i ndërmarrë veprimet e nevojshme për organizimin dhe mbajtjen e zgjedhjeve për kuvendin e Kosovës.
Për një kohë të gjatë, partitë opozitare kishin kërkuar mbajtjen e zgjedhjeve të parakohshme, por më herët gjatë këtij viti dështuan të arrinin pajtim se si të shkohet në zgjedhje.
E tashmë që data është vendosur partitë politike veçse kanë filluar fushatat parazgjedhore.
Në lidhje me zgjedhjet në një bashkëbisedim me “Bota sot”, ka folur deputeti Haki Abazi.
I pyetur nëse do të ketë ndryshime të këtyre zgjedhjeve me ato të fundat, ai thotë që duhet të jetë pasojë e një bilanci të realizimit të premtimëve dhe natyres e karakterit të qeverisjes.
Gjithashtu Abazi përmend disa nga vendimet jo të duhura të kësaj qeverie.
“Ndryshimi duhet të jetë pasojë e një bilanci të realizimit të premtimëve dhe natyres e karakterit të qeverisjes. Kjo qeveri ka qenë më e dobëta që Kosova ka pasur dhe me konfliktuozja kundrejt sektorit privat, biznesëve dhe shoqërisë civile. Me inat ka trajtuar komunat ku ka humbur zgjedhjet në nivelin lokal. E ka dobësuar demokracinë, drejtësinë dhe ka shaktuar inflacion me çmime enorme për artikujt esencial atëhere ndryshimi është i natyrshëm dhe preventive e vazhdimit të poltikave autokratike e me ideologji të ekstremit të majtë”, u shpreh ai.
Ndërsa se a do të jetë pjesë e ndonjë partie politike, Abazi bëri të ditur që në LVV nuk do të jetë, por premtoi të jetë aktiv.
“Sigurisht që nuk do të jam në Listën e VV. Por do të jam aktiv për të dekostruktuar mashtrimin dhe manipulimin që po bëhet nga brenda VV dhe manipulimi me milicinë e facebook dhe mediave tjera sociale duke përfshirë edhe RTK”, përfundoi Abazi për “Bota sot”.
