Ndryshime të mëdha po priten në politikën serbe, pas protestave masive të mbajtura në Beograd.
Marrë parasysh, se qeveria serbe ka dështuar të implementojë politikat të mirëfillta, si në çështjet e brendshme, të jashtme, e po ashtu edhe ato në raport me Kosovën, duket se Vuçiq nuk e ka të sigurt pushtetin e tij.
Në një prononcim për “Bota sot” në lidhje me këtë temë foli opinionisti Dedë Preqi.
Si fillim, ai tha se politikat e Vuçiqit nuk janë befasuese dhe nuk dallojnë asgjë nga ato të paraardhësit të tij, Millosheviq.
Sipas tij, janë disa akterë që i kanë mundësuar Serbisë të bëjë lëvizje politike skandaloze kundër Kosovës.
“Vuçiqi dhe politika e Beogradit, nuk duhej të na befasonte shumë, sepse asgjë nuk ka ndryshuar pas pushtetit të Millosheviqit në Serbi, dhe ky njeri po luan rolin edhe më perfid se i pari, duke e mbajtë Putinin dhe Rusinë afër, dhe në anën tjetër po i rri karshi Evropës e SHBA-së, dhe politika e akterëve të tillë, paraqitet si e shkathtë në një mënyrë, me ç’rast po e pëson në veçanti Kosova.
Atëherë, kush duhet të fajësohet që Kosova dhe Serbia, nuk kanë përmirësim të marrëdhënieve, apo një marrëveshje përfundimtare, e cila po zvarritet një kohë të gjatë. Dhe, ku mbetet ndërmjetësimi i BE- dhe SHBA-ve, me që, mungon mundësia e kompetencave vendore, kuptimi i së cilës nuk mund të shprehet me anën e koncepteve politikave rebeluese të lidershipit vendor, që del në pah marrëveshja e fshehtë e Hashim Thaçit me Edi Ramën dhe Vuçiqin, duke bërë pazare me tokën e Kosovës (veriun e këtij vendi).
Edhe prej këtij këndvështrimi, Serbia e rritë mundësinë e veprimeve të saj skandaloze karshi Kosovës, sepse e shfrytëzoi këtë kuadër të dobët politik të lidershipit në Kosovë, dhe kështu Serbia, fiton kohë dhe merr optimizmin e saj për të depërtuar me konceptet dhe planet e veta të mitit serb mbi Kosovën, edhe pse e di fare mirë se është në rrugën e gabuar, prap se prapë ajo nuk ndalet me përdorimin e gjitha dredhive të veta, me qëllim të destabilizimit dhe pengimin e këtij vendi që të integrohet dhe të njihet si vend demokratik dhe nga shumë vende të botës”.
Në këtë pikë, Preqi përmendi edhe disa nga sulmet e fundit teroriste që ndodhën në veri të Kosovës, e të cilat erdhën si pasojë e urdhrave të presidentit serb.
“Padyshim se tensionet dhe përkeqësimet e situatës ndëretnike ishin prezente menjëherë pas luftës, por kohën e fundit Kosova, po përballet në mënyrë të vazhdueshme me situata dhe ngjarje të rënda e terroriste, që i krijojnë grupet kriminale serbe në veri të vendit përmes planeve dhe urdhërave të Vuçiqit, siç ishte sulmi terrorist në Banjska të Zveçanit, ku humbi jetën rreshteri i policisë së Kosovës, z.Afrim Bunjaku dhe plagosen disa të tjerë.
Dhe tani, nga këto grupe kriminale pritej diçka tjetër, sepse nga mos ndëshkimi i tyre për sulmin në Banjska, do organizohet një plan ndryshe i sulmit, me një koncept puro-terrorist, duke e shpërthyer Kanalin e ujit Ibër-Lepenc, prej nga furnizohen me ujë disa qytete të këtij vendi, po ashtu furnizohet edhe KEK-u, për ftohjen e termoelektranës në prodhimin e energjisë”, shpjegoi ai.
Më tej, ai parashikoi edhe fundin e pushtetit të Vuçiqi, kjo duke marrë parasysh zhvillimet e fundit në Beograd dhe protestat masive që po mbahen atje.
“Do të ishte vështirë që të thuash se, cilat janë mundësitë e reja që i hapen këtij njerëzimi për një marrëveshje dhe përmirësim të marrëdhënieve, kur deri më tani autorët e krimit mbetën të lirë dhe të pa ndëshkuar, as nga Serbia dhe as nga BE-ja, dhe kryekrimineli dhe nënkryetari i Listës serbe, Milan Radoiçiq, bashkë me grupin terrorist në vend që të ndëshkohen në të kundërtën mund të gradohen nga udhërrëfyesi i tyre Aleksandër Vuçiq.
A thua, sikur po i vjen fundi Vuçiqit, dhe po i shembet çatia e tij e ndërtuar nga krimi dhe korrupsioni, dhe për shkak të politikave të tilla kontraverse në rajon dhe pushtetit autokrat në Serbi, sot sheshet e shumë qyteteve dhe qendrat e kryeqytetit të këtij vendi janë të stërmbushura me protestues nga anët e ndryshme të këtij vendi nga pa kënaqësia e qytetarëve kundër regjimit të presidentit Vuçiq”, potencoi Preqi.
Ndër të tjera, opinionisti vlerësoi se tani i kanë mbaruar intrigat dhe pushteti i diktatit, kësisoj Vuçiq është në një pozicion të vështirë.
Madje, shtoi se Novisadi dhe Vojvodina, janëë pikat më të dobëta të presidentit serb.
“Një pjesë e madhe e kësaj lëvizje, që përbëhët nga studentët e pa kënaqur me investimet e dobëta ndaj tyre nga qeveria e Vuçiqit, dhe shumë fermerë, punëtorë si dhe qytetarë tjerë të rëndomtë të këtij vendi, kërkojnë përgjegjësi për gjendjen e pakënaqur të kësaj popullate, që ka krijuar udhëheqja e Vuçiqit me kupolën e tij në Serbi, njëherazi kërkojnë përgjegjësi për shembjen e çatisë në stacionin e Novisadit, ku e humbën jetën mbi 15 përsona.
Vuçiqi, sikur nuk do të dorëzohej në një mënyrë dhe qëndrimin e tij në pushtet ia ka zgjatur Kosova, përmes politikave denigruese, propaganduese e antishqiptare që ka përpiluar ndaj këtij vendi dhe populli, por tani sikur iu kanë sosur intrigat dhe pushteti i diktatit, kur edhe popullata e vet është lodhur me mashtrimet dhe propagandat e tij, duke e ditur se Novisadi dhe Vojvodina, janë pikat më të dobëta të tij, të cilat shumë shpejt si stuhi të mëdha do ta përfshijnë Serbinë e Vuçiqit, për t’u ndarë nga kjo diktatur shekullore, që nuk i mungon elementi i një nisme të tillë, që do ta fundoste pushtetin autokrat të diktuar dhe të ndikuar nga pasardhësi i kriminelit Millosheviq”, përfundoi Dedë Preqi për “Bota sot”.
