Kandidati për kryetar të Prishtinës nga AKR, Gëzim Mehmeti, vizitoi lagjen “Pejton”.
Ai para banorëve të kësaj lagje shpalosi programin 4 vjeçar dhe projektet që do të realizohen gjatë kësaj periudhe kohore.
Mehmeti u zotua para qytetarëve se do të bëjë zgjerimin e rrugëve në nëntë metra, ndërtim të një institucioni të ri parashkollor dhe rregullimin e shtigjeve të biçikletave, njofton Klankosova.tv.
Kandidati paraqiti edhe një pikë tjetër të programit, çështjen e varrezave të qytetit, ku tha se nëse nuk menaxhohet tani, pas 16 vitesh Prishtina nuk do të ketë më hapësirë si dhe shtoi se e ka planin e detajuar.
