Kryetari i Partisë Demokratike të Kosovës, Memli Krasniqi ka shkruar se Uran Ismaili është fituesi i zemrave dhe respektit të qytetarëve të Prishtinës, duke thënë se është bërë bërë model për të ardhmen.
Krasniqi tutje shkruan se Ismaili i ka dhënë Prishtinës, zemër dhe dashni, duke frymëzuar mijëra qytetarë.
Postimi i plotë:
Uran Ismaili gjithmonë e ka dashur me zemër Prishtinën. Në këto zgjedhje ai i dha kryeqytetit zemër dhe dashni, duke frymëzuar mijëra qytetarë, për ta parë Prishtinën jo vetëm si komunë, por si shtëpi, si mundësi e si të ardhme.
Me vullnetin e tij të madh, ai ka rrezatuar lidhjen që i duhet qytetit me politikën, ku që të dyja janë në funksion të qytetarit. Ai është fituesi i zemrave dhe respektit të qytetarëve të Prishtinës, duke u bërë model për të ardhmen që ne do ta ndërtojmë, sepse vërtetë Urani na dëshmoi se Prishtina na bashkon.
Falemnderit Uran që i dhe shpirt e ngjyra qytetit tonë! 💙
