Drejtoresha e Arsimit në Komunën e Prishtinës, Jehona Lushaku ka deklaruar se “Mati 1” po bëhet me shkollë të re.
“Sot, me kryetarin Përparim Rama, vendosëm gurthemelin e shkollës së re në lagjen “Mati 1”.
Kjo shkollë do të pranojë mbi 700 nxënës, duke lehtësuar mbipopullimin në shkollat ‘Ismail Qemajli’ dhe ‘Pavarësia’ dhe duke ofruar një mjedis mësimor më modern.
Projekti i shkollës në “Mati 1” realizohet në partneritet publik-privat, me mbështetje të IFC-së, duke u përqendruar në krijimin e një mjedisi të avancuar edukativ për gjeneratat e ardhshme. Urime!”.
