Mal Çavdarbasha, nxënës i shkollës “Ismail Qemali”, ka ndërruar jetë.
Lajmin e ka bërë të ditur Kryetari i Prishtinës, Përparim Rama, i cili u shpreh i tronditur me lajmin.
“Kryeqyteti, sot ka humbur një nxënës shembullor. Në këto momente të rënda ndajmë dhimbjen me familjen Çavdarbasha, me nxënësit dhe mësimdhënësit e shkollës “Ismail Qemali””, thuhet në postimin e tij.
Ndërsa, Jehona Lushaku-Sadriu, drejtore e Arsimit, tha se “kryeqyteti nesër do të jetë në zi, derisa bashkë do të përcjellim Malin për në shtëpinë e përhershme në Arbëri- Prishtinë, në ora 15.30”.
