Nënkryetari i Prishtinës, Alban Zogaj ka prezantuar programin e partisë për ndërtimin e 80 çerdheve moderne në mbarë vendin. Ky program synon të siguroj hapësira edukative dhe argëtuese për fëmijët, duke përmirësuar standardet e arsimit të hershëm dhe duke lehtësuar qasjen e prindërve në këto shërbime.
Sipas Zogaj, investimi prej 80 milionë eurosh do të mundësojë krijimin e çerdheve të pajisura me infrastrukturë moderne, mjedise të sigurta dhe hapësira kreative për lojë dhe mësim.
Ai theksoi se ky projekt është pjesë e strategjisë së përgjithshme të LDK-së, është një hap i rëndësishëm për përmirësimin e jetës së qytetarëve dhe zhvillimin e brezave të rinj.
Zogaj ftoi qytetarët që të jenë pjesë e ndryshimit, duke mbështetur këtë vizion për një Kosovë më të zhvilluar dhe gjithëpërfshirëse.
