Gjykata e Prizrenit ka caktuar masën e sigurisë “arrest me burg” për 40 ditë për Indrit Taullaun, ish anëtari i Bandës së Durrësit, i arrestuar në Kosovë pak ditë më parë.
Dyshohet se arrestimi është kryer pas të dhënave për përfshirjen e Taullaut në një ngjarje kriminale të ndodhur në Durrës, vepër për të cilën është arrestuar edhe një qytetar në Shqipëri.
SPAK dhe Policia e Shtetit nuk japin shumë detaje nga operacioni pasi pretendohet se është në zhvillim e sipër.
Anëtari i “Bandës së Durrësit”, Indrit Taullai i shpëtoi dënimit me “burg përjetë”, pas rekursit në Gjykatën e Lartë, e cila e transferoi atë në burgun e sigurisë së zakonshme në Durrës, prej nga ku edhe la qelinë disa orë më pas.
