Komuna e Prizrenit ka njoftuar qytetarët se të martën do të ndalohet qarkullimi i automjeteve në Urën e Arastës.
Sipas njoftimit në këtë pjesë të Qendrës Historike do të fillojnë punimet për vendosjen e pistonave automatikë.
“Nesër, më 11.03.2025, do të fillojnë punimet për vendosjen e pistonave automatik në Urën e Arastës (“Ura e KFOR-it”), me ç’rast do të bllokohet hyra/dalja në këtë zonë të Sheshit Shatërvan”, thuhet në njoftim.
Për këtë arsye është kërkuar që banorët ti shfrytëzojnë rrugët alternative për lëvizje.
“Luten për mirëkuptim qytetarët dhe banorët e kësaj ane deri në realizimin e këtij projekti, ndaj duhet t’i shfrytëzojnë rrugët alternative për lëvizje në këtë zonë”, thuhet në njoftim.
