Rrjeti social X, dikur i quajtur Twitter, ka përqindjen më të madhe të dezinformimit të gjashtë rrjeteve të mëdha sociale, ka sugjeruar një studim i Komisionit Evropian.
KE ekzaminoi mbi 6,000 postime unike të mediave sociale në Facebook, Instagram, LinkedIn, TikTok, X dhe YouTube.
Studimi analizoi përmbajtjen në tre vende që konsiderohen veçanërisht të rrezikuara nga dezinformimi - Spanja, Polonia dhe Sllovakia.
BBC i është drejtuar X për koment.
"Mesazhi im për [X] është: ju duhet të pajtoheni me ligjin e ashpër. Ne do të vëzhgojmë se çfarë po bëni," paralajmëroi komisionerja e BE-së, Vera Jourova, për vlerat dhe transparencën, raporton BBC.
Studimi i dezinformimit që nxiti komentet e zonjës Jourova mbuloi Spanjën, Poloninë dhe Sllovakinë, vende në rrezik për t'u shënjestruar nga dezinformata për shkak të zgjedhjeve ose afërsisë me luftën në Ukrainë.
Platforma me "raportin e zbulueshmërisë" më të madhe të dezinformatave - që do të thotë përqindja e përmbajtjes së ndjeshme të përbërë nga dezinformata - ishte Twitter. YouTube kishte nivelin më të ulët, sugjeroi studimi.
