Komisioni i Pavarur i Kualifikimit shkarkon nga detyra prokurorin e Shkodrës, Ermir Lelçi.
Ai rezultoi me probleme ne 2 nga 3 kriteret kryesore, atë të pasurisë dhe kriterin profesional.
Shkarkimi i tij krijon të tjera vakanca në sistemin gjyqësor.
Ermir Lelçi e ka filluar karrierën në sistemin e drejtësisë në vitin 2000 si oficer i policisë gjyqësore.
Prej vitit 2004 është emëruar si prokuror në Shkodër.
Problemet në pasurinë e tij kishin të bënim kryesisht me mungesën e burimeve financiare për të justifikuar blerjen e një apartamenti në Shkodër.
Komisioni i Pavarur i Kualifikimit konstatoi gjithashtu edhe probleme profesionale pasi në disa raste ka pasur konflikt interesi.
Vetëm në korrik, Këshilli i Lartë i Prokurorisë miratoi raportet e aftësive profesionale për disa prokurorë ndër të cilët dhe Ermir Lelçi, prokuror në Prokurorinë pranë Gjykatës së Shkallës së Parë Shkodër.
