Detaje të reja janë publikuar nga ngjarja e rëndë e ndodhur në Shkodër këtë pasdite.
Dy të plagosurit vazhdojnë të jenë në gjendje të rëndë për jetën. Arlind Bushati ka qenë në mjetin tip “Mercedes” i cili duket se ka qenë edhe objektiv i atentatit.
Përpara disa ditësh ai denoncoi në polici edhe një atentat të deshtuar ndaj tij në qendër të qytetit të Shkodrës. Ai po qëndronte jashtë një lokali kur dy të rinj janë afruar me motor dhe i kanë drejtuar armën, por dyshohet se arma u është bllokuar.
Ndërkohë i plagosuri tjetër është një grua e cila po udhëtonte me bashkëshortin e saj në motor.
Burri i saj ka ndërruar jetë, ndërsa ajo vazhdon të jete në gjendje të rëndë. Dyshohet se ato janë përplasur nga makinat të cilat po qëllonin ndaj njëra tjetrës.
