Gati një muaj nga masakra e Dobracit në Shkodër në pranga nuk kanë rënë vetëm policët që dyshohet se lanë të arratisej personi i tretë në makinën ku u vranë Hamza Lici dhe Arlind Bushati, por edhe një tjetër person.
Ai është autori i grabitjes së mjetit Range Rover me të cilën lëvizën vrasësit e Licit dhe Bushatit, e që u gjet i djegur menjëherë pas krimit.
Ky i fundit raportohet të jetë arrestuar 2 javë më parë por grupi hetimor e ka mbajtur të fshehtë me me pretendimin si mund t’i ndihmojë ata në zbardhjen e vrasjes.
Pavarësisht se autori i vjedhjes së makinës është marrë disa herë në pyetje, ai nuk ka pranuar të tregojë diçka më shumë mbi autorët e masakrës së Dobraçit me 4 viktima.
