Pas festimeve të Pavarësisë dhe të Çlirimit, qyteti i Shkodrës ka vendosur që tashmë të kalojë në atmosferën e festave të fundvitit.
Qyteti iu ka dhuruar sot qytetarëve një atmosferë festive dhe të ngrohtë, teksa ka ndezur edhe dritat për festat e fundvitit.
Qyteti është mbushur me drita shumëngjyrëshe dhe me elementë dekorativë të ndryshëm, që janë ndezur sot në orën 18:00.
Shkodra është bërë gati që të presë një numër të madh vizitorësh, që do të bashkohen me atmosferën festive dhe aktivitetet e ndryshme që do zhvillohen në kryeqendrën e Veriut.
