Edison Oruqi, babai i 3 fëmijëve dhe banues në lagjen “Kiras” në Shkodër, i zhdukur prej pesë ditësh, është gjetur i pajetë në ujërat e lumit të Shalës, në Koman.
Senad Nikshiqi ka siguruar për BalkanWeb pamjet nga vendngjarja, ku duket se trupi i të ndjerit ndodhet ende në ujë dhe se ende nuk është kryer nxjerrja e tij pavarësisht apelit të familjarëve.
Familjarët kanë kërkuar ndihmën e policisë dhe palombarëve për nxjerrjen e kufomës nga uji, pasi e kanë të pamundur për shkak të rrjedhës së ujit.
Oruqi ishte shpallur i zhdukur prej pesë ditësh, kur u zhduk në mënyrë misterioze, paraditen e së shtunës.
