Ministria për Punë të Brendshme gjatë ditës së djeshme (28.12.2020) ka vazhduar me kontrollet e shtuara në trafik.
Nga MPB thonë se vetëm në territorin e qytetit të Shkupit ka shqiptuar gjithsejtë 119 gjoba dhe atë: 6 për ngasje të makinës pa patentë shoferi, 4 për mos vënien e rripit të sigurisë, 5 për makina të paregjistruara dhe teknikisht të parregullta, 6 për përdorim të telefonit gjatë vozitjes dhe 3 gjoba për kalim në ngjyrë të kuqe të semaforit
Ndërkohë që numri më i madh i gjobave të shqiptuara gjatë ditës së djeshme është për parkim të parregullt, gjithsejtë 59.
Kontrollet e shtuara në trafik do të vazhdojnë edhe në ditët në vijim, njoftojnë nga MPB-ja, nga ku njëherit apelojnë që vozitësit të respektojnë rregullat dhe të kontribuojnë për siguri më të madhe në komunikacion
