Për të përkujtuar 108 vjetorin e Pavarësisë së vendit krerët e shtetit ishin sot në Vlorë duke kryer homazhe edhe tek Monumenti i Pavarësisë.
Por, edhe pse është një ditë e shënuar, kjo nuk ka bërë që të paktën për sot ndasitë politike mes krerëve të shuhen.
Presidenti Ilir Meta, kryeministri Rama dhe kryeparlamentari Ruçi u përkulën para Monumentit të Pavarësisë duke vendosur edhe kurora me lule.
Por pas kësaj ceremonie, Meta u largua duke përshëndetur me dorë Ruçin dhe Ramën. Kryeparlamentari Ruçi ia ktheu përshëndetjen Metës, ndërsa Rama as nuk ktheu kokën për të parë nga kreu i shtetit.