Presidenti Ilir Meta e quajti një lajm tronditës dhe të pabesueshëm humbjen e parakohshme nga jeta të Kasem Hysenbelliu, Presidentit të “Fax Neës”
Në mesazhin e ngushëllimit kreu i shtetit inkurajon gazetarët e “Fax News” dhe Faxweb.al vazhdojnë misionin dhe ëndrrën e lënë përgjysmë nga Presidenti Hysenbelliu për të ndërtuar një media të lirë
Tronditës dhe i pabesueshëm lajmi për humbjen e parakohëshme nga jeta të Kasem Hysenbelliu, Presidentit të “Fax News”, kësaj media të lirë, të pavarur e dinjitoze.
Në këto momente të vështira jam pranë nënës, bashkëshortes, fëmijëve, familjarëve, miqve, kolegëve e gazetarëve dhe ju shpreh ngushëllimet më të sinqerta për këtë humbje të pazëvendësueshme.
Solidaritet me të gjithë gazetarët e “Fax News” dhe Faxweb.al, të cilët i inkurajoj të vazhdojnë misionin dhe ëndrrën e lënë përgjysmë nga Presidenti Hysenbelliu, për të ndërtuar një media të lirë, zëri i çdo qytetari në nevojë dhe çdo kauze sociale, zëdhënëse e pakompromis e opinionit publik.
I paharruar kujtimi i Kasem Hysenbelliut.
U prehsh në paqen e merituar.
