Protesta e djeshme në Tiranë u shoqërua me dhunë nga forcat e policisë, e cila nuk kurseu as gazetarët, as të miturit e as këdo që rastësisht qëllonte pranë vendit ku protestohej.
Por përveç kësaj, persona civilë që ndodheshin në sheshin pranë Ministrisë së Brendshme rrëmbenin këdo që shihnin në rrugë.
Dhe në një mënyrë brutale nuk i çonin në komisariate por pikërisht në godinën e ministrisë.
Këto janë metoda diktatoriale pasi vështirë të gjesh në një vend demokratik persona civilë që të tërheqin zvarrë qytetarët e ti fusin në Ministrinë e Brendshme.
