Nëntë ditë pas ndërroi jetë në një spital italian për shkak të koronavirusit, ka mbërritur në Rinas në orët e vona të kësaj pasdite trupi i pajetë i mjekut Drini Dobi.
Mjeku Drini Dobi ndërroi jetë me 9 dhjetor. Ai u infektua me Covid-19 dhe pas përkeqësimit të gjendjes së tij shëndetësore u nis në drejtim të Italisë për shërbim më të specializuar, por nuk ia doli dot të fitojë betejën me virusin.
Për kurimin e tij u zhvillua një fushatë për mbledhjen e fondeve nga kolegët brenda e jashtë vendit, si dhe nga familjarët. Sensibilizimi mori përmasa të mëdha, ku u hap edhe një llogari bankare, por fatkeqësisht mjeku nuk arriti të mbijetonte.
Drini Dobi ishte mjek neurolog në qendrën Spitalore Universitare “Nënë Tereza”.
