Roland Bicerri është 39-vjeçari i cili u vra aksidentalisht nga djali i tij 7-vjeçar, mesditën e kësaj të diele.
Ka mjaftuar vetëm një gjuajtje e djalit të mitur në drejtim të 39-vjeçarit për të humbur jetën në vend.
Ngjarja tragjike ndodhi në një lokal pranë Kopshtit Zoologjik në Tiranë, ku efektivi i Forcave të Ndërhyrjes së Shpejtë Roland Bicerri, ishte duke luajtur bilardo me disa miqtë e tij.
Në ato momente, djali ka përfituar nga shpërqendrimi i të atit ku ka marrë prej çantës armën e tij dhe ka qëlluar.
Kamerat e lokalit pritet të hedhin më tepër dritë mbi dinamikën e ngjarjes, dhe mënyrën se si efektivi i policisë e hoqi armën për ta vendosur mbi tavolinë.
