Një aksident rrugor është regjistruar paraditen e kësaj të diele në aksin nacional Lushnjë-Berat.
Dy automjete, përkatësisht një “Lancia” dhe një “Volkswagen” u përplasën midis tyre, duke lënë të plagosur drejtuesit e mjeteve.
Njoftimi
Sot rreth orës 09:40, në aksin rrugor Lushnjë-Berat, në vendin e quajtur “Stan Karbunarë”, mjeti tip “Lancia” me drejtues shtetasin A. Gj., 47 vjeç, banues në Lushnjë, është përplasur me mjetin tip “Volkswagen” me drejtues shtetasin H. Sh., 19 vjeç, banues në Lushnjë.
Si pasojë e përplasjes janë dëmtuar të dy drejtuesit e mjeteve të cilët ndodhen në spitalin e qytetit Lushnjë jashtë rrezikut për jetën, nën kujdesin e mjekëve.
Grupi hetimor po punon për zbardhjen e plotë të rrethanave ngjarjes.
