Ish-ministri i Shëndetësisë, Tritan Shehu ka kritikuar masat e qeverisë për sigurimin e vaksinës anti Covid, duke deklaruar se ato nuk mjaftojnë as për 1/4 e stafit të mjekëve dhe infermierëve.
"Për te kuptuar, sipas protokolleve europiane etj, Shqipëria ka nevojë për të vaksinuar reth 2,3 milionë qytetarë, që megjithë firon, mundësinë e një rifreskimi të tretë për disa, kërkon reth 5,5 mln doza. Sidoqoftë më vjen mirë që kjo Qeveri më në fund e pranoi atë që ne këmbëngulim prej Shtatorit, që ishte një gabim fatal ngurtësimi vetëm te COVAX e mos kontraktimi ndërkaq direkt me kompanitë prodhuese ose nëpërmjet vendeve kryesore të BE", shprehet Shehu.
Statusi i plotë ne Facebook
“Inati” i 1 Janarit i Ramës ndaj BE, demagogji për të transformuar dështimin në “fitore”.
Kryeministri sot mbasi anatemoi Europën, njofton për ardhjen me “pikatore” të disa dozash vaksinash për 5000 qytetare në “javën e tretë të janarit”, që nuk mjaftojnë as për 1/4 e personelit shëndetësor, pa llogaritur grupet e tjera te “rrezikut”, megjithatë të shpresojmë dhe për aq!
Kjo në një kohë kur Janari do të jetë për të gjithë Europën e shumicën e Botës periudhë e vaksinimit masiv të popullsisë.
Njofton që do të mbylle me Pfizer për 500 mijë doza, pra për 250 mijë qytetarë në muajt e ardhshëm, të shpresojmë, por është përsëri shume pak e shumë vonë.
Për te kuptuar, sipas protokolleve europiane etj, Shqipëria ka nevojë për të vaksinuar reth 2,3 milionë qytetarë, që megjithë firon, mundësinë e një rifreskimi të tretë për disa, kërkon reth 5,5 mln doza.
Sidoqoftë më vjen mirë që kjo Qeveri më në fund e pranoi atë që ne këmbëngulim prej Shtatorit, që ishte një gabim fatal ngurtësimi vetëm te COVAX e mos kontraktimi ndërkaq direkt me kompanitë prodhuese ose nëpërmjet vendeve kryesore të BE.
Sot ai bën sikur e ka harruar COVAX!
Tashme të gjithë e kuptojnë se deklaratat e Ramës për pamundësi kontraktimi direkte me kompanitë ishin një mashtrim me pasoja humbje jete, shëndeti e shkatërrim ekonomik për vendin.
Nqs Shqipëria do kishte vepruar në kohë, në bazë të rregullave të kontraktimit, sot në vendin tonë do të kishte filluar vaksinimi i grupeve te “rrezikut”, në Janar do të fillonte vaksinimi masiv, pa pasur nevojë për “trastën” bosh ose me shpresë shumë pak të mbushur të “lypsarit”.
Pra Kryeministri i ynë as nuk duhet të anatemojë BE, gjë që vjen dhe nga orientimi i tij vizionar, as të marrë rolin e shpëtimtarit kur deklaron që po “realizon” një pjesë të vogël e të vonuar të detyrimeve të tij, as të kërkojë të marre rolin e "Plakut të Vitit të Ri" me « thesin bosh », por të pranojë qartësisht dështimin e deritanishëm e të kërkojë ndihmen e te gjithë faktorëve për të mbushur sado pak boshllëkun e krijuar nga ai vete.
