Një aksident është regjistruar mbrëmjen e sotme në Elbasan.
Nga aksidenti i ndodhur në aksin Elbasan-Metalurgji, ku janë përfshirë dy makina, dyshohet për dy persona të plagosur rëndë.
Policia ndodhet në vendin e ngjarjes dhe po heton shkaqet e aksidentit të rëndë.
Aksidenti i mbrëmjes është i katërti në total që shënohet sot në rrugët e vendit tonë.
Në aksidentet e tjera të ndodhura gjatë ditës së sotme kanë humbur jetë 3 persona.
Aksi në dalje të Elbasanit, për në Tiranë, ka qenë i mbingarkuar për shkak të emigrantëve të kthyer, por edhe kthimit të kryeqytetasve nga juglindja ku kanë kaluar fundjavën.
