Ish-deputetja e PD, Nada Meçorapaj, ishte sot në segmentin e rrugës në Borsh, i shembur pas reshjeve të para në zonë.
PD vuri në dukje shqetësimin e banorëve për mungesën e mirëmbajtjes së rrugës, ndërsa akuzoi se shembja e saj është pasojë e korrupsionit të qeverisë Rama.
Meçorapaj: Rruga e çarë në dysh nuk është pasojë e ndonjë tërmeti, por e korrupsionit të kësaj qeverie. Janë rreth 14 milionë euro që Edi Rama i jep kompanisë Salillari për të mirëmbajtur aksin e Jugut, por në vendngjarje është vetëm 1 punëtor dhe asnjë përpjekje për rregullim.
Pak reshje shiu dhe vjedhja e qytetarëve del në sipërfaqe, duke nxjerrë gjendjen e rëndë të keqqeverisjes, abuzimit, vjedhjes, korrupsionit. Asgjë e mirë nuk mund të ndodhë me Edi Ramën në krye të qeverisë. Kemi edhe 105 ditë për të bërë ndryshimin!
