Partia Demokratike u ka shpërndarë strukturave të saj një udhëzim që detajon punën deri në zgjedhjet e 25 prill. 3 muaj para zgjedhjeve parlamentare, udhëzimi parashikon në detaje punën që duhet të bëjnë grupet vullnetare, identifikimin e votuesve madje dhe mënyrën se si këto grupe duhet të komunikojnë me qytetarët. i votuesve, por ky udhëzim ngjan më shumë me një manual sjelljeje.
“Mos harroni se ju jeni një përfaqësues personal i partisë dhe i Lulzim Bashës, kryeministrit të ardhshëm të Shqipërisë. Fjalët që thoni dhe përshtypja që krijoni do të kenë një efekt të madh në vendimin e votuesit.”
Partia demokratike, kujdeset t’i kujtoje anëtarëve të saj se sa detaje i rëndësishëm është buzëqeshjes.
“Toni i zërit dhe gjuha e trupit janë të rëndësishme. Një buzëqeshje thotë më shumë se mijëra fjalë. Mësoji pikat e Formatit bashkëlidhur dhe mos lexoni gjatë kohës që bashkëbisedoni me votuesin”
Ky udhëzim e ndan organizmin në dy fazë, faza e parë deri në 5 mars, ndërsa në fazën e dytë e cila shtrihet deri në 25 prilli fokusi është kryesisht tek programi i Partisë Demokratike. Deri më sot, janë artikuluar vetëm disa pika kryesore të programit, ndërsa në ditët e ardhshme pritet shpalosja në detaje e alternativës se opozitës për nesër në qeveri.
Ndërkohë Partia Demokratike, ende nuk ka plotësuar drejtuesit politik në të gjitha qarqet duke mos deleguar emrat e 6 koordinatorëve në Tiranë, emrin e drejtuesit të fushatës në Kukës dhe Gjirokastër. Nga ana tjetër kryetari i PD Basha nuk ka mbyllur as marrëveshjet me aleatët.
