Një aksident është shënuar në aksin rrugor Elbasan-Peqin, pranë fshatit Vidhas.
Një makinë me targa greke është përmbysur. Është dashur ndërhyrja e zjarrfikëses për të nxjerrë personat që ndodheshin brenda në makinës.
Burime për Top Channel bëjnë me dije se dy persona janë plagosur si pasojë e këtij aksidenti, të cilët janë dërguar për në spitalin e Elbasanit.
Nuk dihen ende shkaqet e këtij aksidenti. Policia ka mbërritur menjëherë në vendngjarje dhe po heton për zbardhjen e rrethanave të kësaj ngjarje.
