Komiteti i Ekspertëve vendosi sot që të zgjerojë masat shtrënguese për përballimin e situatës me koronavirusin, pas shpërthimit alarmant të rasteve të infeksioneve në vend.
Kështu, duke filluar nga nesër deri më 25 shkurt, ndalimi i qarkullimit do të fillojë në orën 20:00 të mbrëmjes deri në orën 06:00 të mëngjesit.
Gjithashtu, shkollat e mesme në disa qytete do të kalojnë online për dy javë, ndërsa do zgjatet edhe sezoni i provimeve në universitete.
Po cilat janë 3 rastet që përjashtohen nga kufizimi i daljes pas orës 20:00?
Përjashtim nga ky rregull do të bëjnë ata që janë duke udhëtuar për të shkuar në punë , urgjencat shëndetësore si dhe shërbimi delivery nga restorantet.
