Humb jetën si pasojë e Covid farmacistja nga Lushnja
Farmacistja Marinaqi Hazizi (Kondakçi), ditën e sotme ka humbur betejën me Covid.
Lajmi është bërë i ditur nga Urdhri i Farmacistëve, i cili shpreh ngushëllimet për këtë humbje të pazëvendësueshme.
Bëhet me dije se Marinaqi jetonte dhe e ushtronte profesionin e vet në qytetin e lindjes në Lushnjë.
Reagimi:
Të nderuar kolegë:
Me hidhërim të thellë njoftojmë ndarjen nga jeta për shkak të COVID-19 të koleges sonë të nderuar Marinaqi Hazizi (Kondakçi).
Marinaq Hazizi lindi më 10.01.1954, në qytetin e Lushnjës.
Ne vitin 1977 përfundoi studimet e larta për farmaci në Universitetin e Tiranës. Marinaqi jetonte dhe e ushtronte profesionin e vet në qytetin e lindjes në Lushnjë.
Urdhri i Farmacistëve të Shqipërisë i shpreh ngushëllimet e sinqerta familjarëve, miqve, kolegëve dhe gjithë të dashurve të saj për këtë humbje të pazëvendësueshme.
Qoftë i paharruar kujtimi i saj!
