Tre automjete janë djegur në orët e para të mëngjesit të sotëm në Lushnje.
Ngjarja ka ndodhur rreth orës 03:00 të mëngjesit në qendër të qytetit, në afërsi të komisariatit të Lushnjes.
Pavarësisht ndërhyrjes së zjarrfikëses, ka qenë e pamundur të shpëtohen mjetet.
Si pasojë e zjarrit është dëmtuar dhe një magazinë.
Njoftimi i Policisë:
Lushnje
Informacion paraprak
Sot rreth orës 03:15, në lagjen “Çlirimi” Lushnje, në parkimin e jashtëm të një qëndre tregëtare, ka rënë zjarr në automjetin tip "Benz" në pronësi të shtetasit N. K., dyshohet si pasojë e një shkëndijë elektrike në automjet.
Për pasojë janë djegur edhe automjetet tip "Audi" dhe "Fiat" të parkuar pranë automjetit tip "Benz".
Në vendngjarje kanë shkuar shërbimet e policisë dhe zjarrfikësja, dhe kanë bërë të mundur shuarjen e flakëve.
Grupi hetimor po punon për zbardhjen e plotë të kësaj ngjarje.
