Temperaturat e ulëta të kësaj fundjave kanë rikthyer sërish reshjet e borës në Korçë.
Gjatë natës por edhe gjatë orëve të para të mëngjesit të kësaj të diele i gjithë qarku i Korçës është mbuluar nga bora.
Gazetari Xhensil Shkëmbi raporton se në qytet trashësia e borës është 5 centimetra ndërsa në Dardhë, Voskopojë, Moravë, Mokër trashësia e dëborës ka shkuar në 25 centimetra.
Ndërkohë fshati Panarit mund të izolohet për të disatën herë këtë vit nga reshjet e dëborës.
Ndërsa në fshatin Shtyllë trashësia e dëborës ka shkuar në 50 cm.
Por, në zonat rurale ka probleme edhe me energjinë elektrike.
Në fshatrat Vithkuq, Petrushë dhe Zvezdë nuk ka energji elektrike.
Sakaq, në rrugën e Dardhës nga kilometri i 8 deri në kilometrin e 14 rekomandohet kalimi i mjeteve me zinxhirë ose goma dimërore.
Vështirësi paraqet edhe segmenti rrugor i Bigllës në rrugën e Doganës Goricë.
