Gjatë vizitës në shtëpinë e familjarëve Arjan Salës, i cili ndërroi jetë pas betejës me flakët në një qendër tregtare, Edi Rama kujtoi edhe Bashkim Finon, deputetin socialist që ndërroi sot jetë nga Covid-19.
Ndër të tjera Rama zbuloi se ish-kryeministri Bashkim Fino kishte kaluar së fundmi një tension shumë të vështirë dhe nuk e përballoi dot koronavirusin.
“Sot na ndodhi dhe vdekja e shokut tonë, Bashkimit. Kaloni një tension shumë të vështirë para disa kohësh dhe ishte trupi i predispozuar. Dhe COVID nuk e përballoi dot. Ishte shumë i veçantë, shumë i dashur.
Çfarë të bësh. Të gjithë kemi ardhur për të ikur, jo për të ndejtur, varet çfarë gjurme lejmë”, tha Rama gjatë bisedës me familjarët e të ndjerit.
