Pesë ditë nga fillimi i fushatës nis dhe “lufta” brenda PS.
Burimet bëjnë të ditur për RTV Ora se mbrëmjen e sotme Kryetari i PS-së njëkohësisht kryeministri Edi Rama ka mbledhur kandidatët për deputetë në një takim online ku ka vënë në dukje rëndësinë e maksimalizimit të votës për Partinë.
Por burimet kanë bërë të ditur se vota preferenciale ka shkaktuar dhe shqetësime brenda PS-së, dhe për këtë kandidatëve për deputetë Rama u ka shprehur shqetësimin e tij
Rama mësohet se u ka thënë se më e rëndësishme është vota për partinë.
Në zgjedhjet e 25 prillit Rama synon të fitojë mandat të tretë dhe objektivi bazë i socialistëve është 78 mandate, me qëllim që të mos ketë nevojë të bëjë aleancë me asnjë forcë tjetër politike
Në lista në pozicione të pafavorshme për të fituar mandatin e deputetit janë figura si Pandeli Majko, Fatmir Xhafaj, Spartak Braho e Mimi Kodheli dhe vota preferenciale duket që është një sfidë e madhe për ta
Kodi zgjedhor parashikon votën preferenciale, që nënkupton 10 mijë vota + 1 në mënyrë që një kandidat të thyejë listën e sigurt.
