3 shtetas, të dyshuar si autorët e grabitjeje, të mbetur në tentativë, janë arrestuar në Lezhë.
Njoftimi i policisë:
Vijon puna për parandalimin dhe goditjen e paligjshmërisë.
Tentuan të vidhnin në një lokal, por falë veprimeve të shpejta të Policisë, arrestohen në flagrancë 3 autorët.
Specialistët për Hetimin e Krimit në Komisariatin e Policisë Lezhë benë arrestimin e shtetasve I. B., 37 vjeç, P. A., 16 vjeç dhe E. D., 32 vjeçe, banues në Shkodër.
Këta shtetas janë kapur në flagrancë nga shërbimet e Policisë Lezhë, duke vjedhur me thyerje një lokal në aksin rrugor Lezhë-Shkodër.
