Ish-Ministrja e Integrimit, Klajda Gjosha, ka qenë së fundmi e ftuar në emisionin ‘Glamour Zone’, ku si rrallë herë u fokusua në jetën e saj private më tepër se në karrierën politike.
Vite më parë, Klajda mori një vendim të vështirë. Ajo braktisi Londrën ku jetoi për vite me radhë për Shqipërinë.
E pyetur, nëse ishte penduar për këtë vendim, Gjosha iu përgjigj:
“Në momentin që bëhesh me fëmijë, kupton që jeta në Shqipëri është e pasigurt shpesherë. Ti ke një pozicion pune sot, nesër mund të mos ta kesh. Fëmija nesër duhet të shkollohet dhe mendimi parë është, a është arsimi në standardin e duhur. Ke një problem shëndetësor dhe ti nuk e di nëse do të përgjigjet njeri. Ka momente që e mendoj nëse duhet të vazhdoj jetën time këtu apo diku tjetër. Por për momentin nuk kam hequr akoma dorë.”
