Kryeministri Edi Rama ka deklaruar se Shqipëria e ka menaxhuar pandeminë më mirë se Britania e Madhe dhe se të gjitha vendet e rajonit.
Duke komentuar strategjinë që ndoqi në përballjen me pandeminë që në valën e parë, Rama tha se ajo ishte më efektive se e Britanisë, ndërsa sa i takon fushatës së vaksinimit, tha se jemi të dytët pas Serbisë.
"Është një debat botëror ekuilibri mes mbylljes dhe ruajtjes së ekuilibrave psikologjikë. Në raport me Britaninë, ne i kemi shifrat ku e ku më të mira, flas për frymë. Menaxhimi ynë është më i mirë se i Britanisë. Ishte një nga menaxhimet më të habitshme.
Britania hyri në një avantazh të madh sepse siguroi vaksinimin masiv. Duke mos qenë pjesë e BE-së, negocoi vetë. Ne në rajon mbetemi në vendin e parë për menaxhimin. Për vaksinimin, Serbia filloi para nesh, pastaj jemi ne të dytët", deklaroi Rama në të“Të Paekspozuarit”.
