Numërohen mbi 75% e votave.
Komisioni Qendror i Zgjedhjeve në Shqipëri ka publikuar të dhënat nga numërimi i 3903 qendrave të votimit ose 75.09 për qind, pas përfundimit të votimit për zgjedhjet parlamentare të 25 prillit.
Nga numërimi i deritanishëm në 3903 qendra votimi nga 5199 sosh, Partia Socialiste ka marrë 556.518 vota ose 48.72%, Partia Demokratike 446.666 ose 39.1 për qind, Lëvizja Socialiste për Integrim 77.793 ose 6.81 për qind, PSD 25.944 vota ose 2.27 për qind.
Përkthyer në mandate për momentin PS ka 74, PD 58, LSI 5 dhe PSD 3.
