Hetimet e deritanishme të policisë dhe prokurorisë nuk kanë arritur të identifikojnë autorët dhe për pasojë ngjarja mbetet e pazbuluar.
Specialisti në drejtorinë rajonale të kulturës Helidon Sokoli kërkon bashkëpunimin e qytetarëve për ruajtjen e këtyre objekteve me një rëndësi unike për historinë dhe kulturën shqiptare.
"Absolutisht, ministria e Kulturës do të vazhdojë me projektet dhe rikualifikimet të territoreve rreth monumenteve, ndriçimin e kalave shume shpejt do të nisë puna dhe për ndriçimin e kalasë së Lezhës. Dhe atje duke qenë një kala thuaj se brenda Lezhës."
Kur po shkohet drejt hapjes dhe frekuentimi i këtyre objekteve pritet të rritet nga turistët vendas e të huaj, paralelisht monumentet e kulturës përmes ministrisë së linjës kanë parashikuar edhe investime të reja.
"Duhet ti japim rëndësi ndërgjegjes dhe respektit që duhet të kenë njerëzit dhe nëse shohin dikë tjetër duke i dëmtuar duhet t'i sinjalizojnë dhe vetë. Jo t'ia lejnë gishtin vetëm shtetit."
Mundësia për të vendosur roje ose kamera sigurie kudo përreth kalasë Rozafa është e pamundur për shkak të kostove të mëdha dhe për faktin se kalaja ka një territor të gjerë prej 9 hektarësh.
