Policia ka reaguar lidhur me plagosjen e 19-vjeçarit Reginaldo Kacorri, ngjarje kjo e ndodhur pasditen e sotme në kryeqytet.
Sipas policisë janë shpallur në kërkim dy vëllezërit që akuzohen se kanë kryer plagosjen. Ata janë Klajdi Kodra dhe vëllai i tij Aldo Kodra.
"Identifikohen dhe shpallen në kërkim dy vëllezër, të dyshuar si autorë të plagosjes me armë zjarri të 19-vjeçarit R. K.
Në vijim të informacionit të dhënë më parë për plagosjen me armë zjarri të shtetasit R. K., ndodhur rreth orës 15:45, në rrugën “Liman Kaba”, në afërsi të një lokali, ju informojmë se:
Falë veprimeve të shpejta dhe profesionale hetimore të kryera nga grupi hetimor u bë i mundur identifikimi i autorëve të dyshuar të ngjarjes dhe shpallja në kërkim e tyre.
Dyshohet se shtetasi A. K., në bashkëpunim me vëllanë e tij shtetasin K. K., gjatë një konflikti të çastit kanë qëlluar me armë zjarri 19-vjeçarin R. K.", thuhet në njoftim.
