Kreu i Këshillit Kombëtar Bujar Nishani u shpreh se Lulzim Basha e ka mbyllur ciklin e tij për të qëndruar në krye të PD-së.
Nga studio e Frontline, Nishani deklaroi se në tetë vjet Basha i ka sjellë vetëm dëshime dhe humbje parisë dhe tashmë nuk ka ccfarë të jap më.
Sipas tij, Basha nuk ka lindur dot lider, por është bërë vetëm kryetar.
“Jam i bindur se secili prej kandidatëve do mundet të drejtojë PD më mirë se Basha. Për ata që thonë se Basha është më i mirë, kjo është një sponsorizim nga Rama. Nëse është më i miri duhet të ndajmë se çfarë të mire i ka bërë Partisë Demokratike. Basha nuk ka asnjë arritje, nuk ke me ccfarë e krahason.
Nëse Basha vazhdon të rrijë 20 vjet në opozitë ne do jemi peng i saj? Lider lind, lider nuk bëhesh, kryetar nuk lind kryetar bëhesh. Basha nuk ka lindur lider, por është bërë kryetar. Për mua është cikël i mbyllur sepse ka tetë vjet në opozitë dhe nuk solli asgjë”, tha Nishani.
