Në 24 orët e fundit në Shqipëri janë regjistruar 12 raste të reja me COVID-19, ndërkohë një person ka ndërruar jetë.
Ministria e Shëndetësisë dhe Mbrojtjes Sociale ka njoftuar se numri i përgjithshëm i rasteve me koronavirus në vend që nga fillimi i pandemisë është rritur në 132.309 prej të cilëve 2.450 persona kanë vdekur.
Gjithashtu janë shëruar edhe 93 qytetarë, duke e rritur numrin e të shëruarve në gjithsej 129.308 dhe raste aktive aktualisht janë 551.
Institucionet shëndetësore kanë kryer 2.170 testime të tjera ndërsa që nga fillimi i pandemisë janë kryer gjithsej 717.696 testime për personat e dyshuar me COVID-19.
Në Shqipëri vazhdon procesi i vaksinimit dhe që nga fillimi i këtij procesi në janar janë kryer mbi 770 mijë doza të vaksinës kundër COVID-19.
