Leonidha Rapushi, 74-vjeç, të premten u dënua me 16 vite e 8 muaj burg nga Gjykata e Fierit nën akuzën “Marrëdhënie seksuale me të mitur”.
Prokuroria kërkoi dënimin me 25 vite burg, por për shkak të gjykimit të shkurtuar, autori i krimit të rëndë përfitoi uljen e dënimit me 1/3, duke u dënuar me 16 vite e 8 muaj burg.
Ngjarja e rëndë doli në dritë në muajin prill 2020, ku nëna e vajzës së abuzuar denoncoi 74-vjeçarin, ku pas hetimeve të shumta Leonidha Rapushi u arrestua nga blutë e Fierit.
Ai vazhdimisht i shkonte të miturës pranë shkollës, ku i dhuronte çokollata në mënyrë që ta afronte pranë vetes.
Ky veprim u vu re nga psikologia e shkollës, e cila bashkë me nënën dhe të miturën kanë denoncuar të moshuarin në polici.
