Një aksident është shënuar pasditen e kësaj të diele në kryeqytet.
Sipas informacionit paraprak të dhënë nga policia mësohet se një 27-vjeçar ka humbur kontrollin e mjetit të cilin drejtonte dhe ka dalë nga rruga.
Si pasojë është dëmtuar vetë ai, shtetasi me inicialet A.H., dhe pasagjerja D.H., 25 vjeçe, e cila ndodhej së bashku me të në mjet. Të dy janë dërguar menjëherë në spital dhe ndodhen nën kujdesin e mjekësve.
Aksidenti me dy të plagosur është shënuar rreth orës 17:30, në rrugën “Shefqet Kuka” në kryeqytet, ndërsa vijon puna nga grupi hetimor për sqarimin e rrethanave të ngjarjes.
