Me 104 vota pro, shtatë kundër dhe pesë vota abstenuese deputetët shqiptarë u deklaruan për shkarkimin e presidentit të Shqipërisë, Ilir Meta.
Kjo gjë u arrit meqë shumica e deputetëve janë socialistë.
Kreu i qeverisë shqiptare, Edi Rama, nuk hezitoi që pas procesit të votimit t’i thotë ca fjalë për shefin e shtetit sa i përket shkeljeve që i ka bërë.
Megjithatë i saposhkarkuari nga Kuvendi dhe që mbetet të presë vendimin e Gjykatës Kushtetuese nuk doli me ndonjë deklaratë zyrtare.
Në ndërkohë, Partia Demokratike vendimin e shkarkimit të Ilir Metës e cilësoi si shkelje të aktit më të lartë juridik.
Kjo iniciativë për shkarkim të shefit të shtetit shqiptar erdhi pasi që Komisioni Hetimor konstatoi se Ilir Meta u kthye në frymëzues të dhunës duke shkelur disa nene të Kushtetutës dhe se ka qenë i përfshirë në fushatë elektorate, ku pos këtyre pretendohet se ndërhyri edhe në disa institucione të pavarura.
