Ndërsa Gjykata Kushtetuese është në pritje për të dhënë një vendim në lidhje me prishjen e Teatrit Kombëtar nga Veliaj dhe Rama, ky i fundit ka vendosur të japë lejen për ndërtimin e godinës së re, dhe kullave që do të ngrejë Fusha.
Lejen e ndërtimit e ka dhënë sot Këshilli Kombëtar i Territorit dhe këtë fakt e ka bërë të ditur Veliaj me një postim në Facebook.
Gjykata Kushtetuese pak ditë më parë u mblodh për të diskutuar padinë e bërë nga Presidenti dhe Aleanca për Teatrin dhe ende nuk ka dhënë një vendim përfundimtar.
Edhe Aleanca për Teatrin pak ditë më parë i bëri thirrje Kushtetueses për të dhënë një vendim sa më shpejt, pasi qeveria dhe bashkia duan të nisin punimet.
