Uashington-Ish Sekretari i Mbrojtjes Donald Rumsfeld ka vdekur në moshën 88 vjeç, tha familja e tij të mërkurën
“Është një trishtim i thellë që ne ndajmë lajmin për vdekjen e Donald Rumsfeld, një burrë shteti amerikan dhe burri i përkushtuar, babai, gjyshi dhe gjyshi i madh. Në moshën 88 vjeç, ai ishte i rrethuar nga familja në Taosin e tij të dashur, New Mexico, kur edhe u nda nga jeta”, lexohej në deklaratën e familjes Rumsfeld.
"Historia mund ta kujtojë atë për arritjet e tij të jashtëzakonshme gjatë gjashtë dekadave të shërbimit publik, por për ata që e njohën më mirë dhe jeta e të cilëve u ndryshua përgjithmonë si rezultat, i punës se tij, ne shërbim te kombit, ne si familje do të kujtojmë dashurinë e tij të palëkundur për gruan e tij Joyce, familjen dhe miqtë e tij dhe integriteti që ai solli në një jetë kushtuar vendit te tij Shteteve te Bashkuara. ”
Rumsfeld, i cili shërbeu në administratat republikane të Presidentëve Gerald Ford dhe George W. Bush, mbikëqyri përgjigjen e Pentagonit ndaj sulmeve terroriste më 11 shtator 2001, udhëhoqi sulmet ushtarake te SHBA, ne Irak.
Kryeministri Berisha, i cili ka qenë një nga miqtë më të afërt të Donald Rumsfeld kur ishte Kryeministër e ka vlerësuar lart rolin e ish-sekretarit amerikan të shtetit Donald Rumsfeld duke e cilësuar atë si promotor të lirisë.
Berisha: Donald Rumsfeld, promotor i lirisë
Kryeministri Berisha ka vlerësuar lart rolin e ish-sekretarit amerikan të shtetit Donald Rumsfeld duke e cilësuar atë si promotor të lirisë.
Në një bashkëbisedim për NATO-n ku ishte i pranishëm edhe ish-sekretari i mbrojtës Rumsfeld si dhe më ushtarakë dhe studentë, kryeministri Berisha shprehu mirënjohjen për kontributin e tij për anëtarësimin e Shqipërisë në aleancën e Atlantikut të Veriut.
"Sot kemi një nga miqtë më të shquar të kombit shqiptar por edhe një nga promotorët e lirisë në SHBA, një nga strategët e paqes dhe sigurisë në SHBA dhe në botë ish-sekretarin Donald Rumsfeld. Ne jemi shumë krenar që sot ndodheni në Shqipëri pasi për ne ju mbeteni një nga miqtë më të shquar, mbeteni një personalitet i madh për të cilën ne kemi mirënjohjen më të thellë. Anëtarësimi në NATO ka qenë akti më madhor në historinë tonë kombëtare. Unë vlerësova shumë vendimin e presidentit për t`ju dekoruar me urdhërin e flamurit kombëtar. Flamuri ynë është kulti për supreme, atë e kemi gjënë më të lartë dhe ky është dekorimi I një miku që na ndihmoi për tu anëtarësuar në NATO, si një aleancë vlerash, paqeje dhe sigurie” ka thene Berisha.
Rumsfeld: Jam në mbështetje të Shqipërisë dhe i besoj shumë shqiptarëve
Ndërsa ish-shefi i Pentagonit Rumsfeld rikonfirmoi mbështetjen ndaj shqiptarëve dhe Shqipërisë. Ai theksoi se shqiptarët dinë të përcjellin një lloj ndershmërie dhe energji pozitive në NATO.
"Jam në mbështetje të Shqipërisë dhe i besoj shumë shqiptarëve. E di se çfarë sjellin shqiptarët, sjellin energjinë pozitive. Ju dini të zhvilloni një lloj ndjeshmërie për vendin, dini të jepni ndjesi dhe energji pozitive” ka thënë ai.
