Mësohet se janë bërë ndryshime në kupolën e Policisë së Shtetit. Në kuadër të ristrukturimit vetë Drejtori i Përgjithshëm i Policisë së Shtetit Ardi Veliu ka firmosur ndryshime në nivel vendor e qendror.
Konkretisht:
Gjovalin Loka, i cili u lirua nga detyra një javë më parë është emëruar drejtor i Policisë së Elbasanit.
Drejtori i Policisë Kukës Erigert Mitri, është liruar nga detyra dhe vendin e tij e ka marrë Hamdi Fiore.
Nëndrejtori i Policisë së Gjirokastrës Skënder Hita është emëruar Drejtor në Policinë e Shkodrës dhe ka zënë vendin e Niko Brahimajt, i cili u largua pas masakrës së Velipojës me katër të vrarë.
Edmont Targaj, drejtor i policisë Berat.
Ndryshime në nivel drejtues në strukturat vendore të Policisë së Shtetit.
Zëvendësdrejtori i Drejtorisë Vendore të Policisë Gjirokastër Skënder Hita transferohet dhe emërohet Drejtor i Drejtorisë Vendore të Policisë Shkodër.
Drejtori i Drejtorisë Vendore të Policisë Fier Bledar Çeliku transferohet dhe emërohet Drejtor i Drejtorisë Vendore të Policisë Vlorë.
Drejtor i Drejtorisë Vendore të Policisë Korçë Ferdinant Mara transferohet dhe emërohet Drejtor i Drejtorisë Vendore të Policisë Fier.
