Azem Hajdari, djali i vogël i deputetit të ndjerë me të njëjtin emër është shoqëruar në komisariatin e Policisë së Elbasanit.
Policia njofton se 23 vjeçari është ndaluar dhe është kontrolluar pasditen e sotme nga blutë e Elbasanit, teksa qarkullonte me një mjet luksoz. Nga kontrolli policia ka zbuluar një sasi kanabisi brenda mjetit, duke sqaruar se Azem Hajdari ishte pasagjer brenda makinës ndodhej dhe një vajzë.
Njoftimi i Policisë Elbasan:
Shërbimet e Policisë në kuadër të kontrolleve për rritjen e parametrave të sigurisë, në aksin rrugor Elbasan-Metalurgji, kanë ndaluar për kontroll automjetin tip "Audi", që drejtohej nga shtetasi H.Gj., 23 vjeç, banues në Tiranë.
Gjatë kontrollit të mjetit janë gjetur dhe sekuestruar në cilësin e provës materiale 5 doza lëndë narkotike e dyshuar cannabis sativa.
Drejtuesi i mjetit së bashku me pasagjerët A.H., 23 vjeç, banues në Tiranë dhe S.M., 19 vjeçe, banuese në Lushnje, janë shoqëruar në Komisariatin e Policisë Elbasan për veprime të mëtejshme procedurale.
