Një aksident i rëndë ka ndodhur në aksin rrugor Lezhë-Milot, ku janë përplasur dy automjete dhe për plasojë është dëmtuar një pasagjer.
Ai është dërguar me urgjencë në spitalin e Lezhës ku po merr ndihmë mjekësore. Ndërkohë drejtuesit e automjeteve janë dërguar në Komisariatin e Policisë së Lezhës për veprime të mëtejshme.
“Rreth 14:40, në aksin rrugor Lezhë-Milot, në vendin e quajtur “Kryqëzimi i Gajushit” mjeti tip “Skoda” me drejtues shtetasin A.Sh., është përplasur me mjetin tip” Opel ” me drejtues shtetasin Z.M., ku si pasojë ka marrë dëmtime dhe është transportuar në spitalin Rajonal Lezhë shtetasi H.G., i cili ndodhej pasagjer”, njofton policia.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.