Arbër Çekaj, Fatmir Pjetri dhe Lulzim Çepele dukeshin të qetë sot në sallën e gjyqit ku dolën për masën e sigurisë tre ditë pas tentativës për tu arratisur nga burgu 313 në Tiranë.
Njëri prej tyre bëri me 2 gishta, ndërsa Çekaj dukej i qeshur.
Ndaj tyre rëndon akuza "Tentativë për arratisje nga burgu" dhe "goditje për shkak të detyrës"
Tentativa e arratisjes
Ata tentuan të arratiseshin me çopa çarçafi të bërë si litar.
Ishte ora 15:15 minuta e së dielës, kur të gjithë të burgosurit kishin orarin e ajrimit. Sipas njoftimit të policisë së burgjeve, Lulzim Çelepe i cili vuan denimin për shfrytëzim prostitucioni, dyshohet se krijoi një situatë kaotike brenda qelisë duke prerë damarët.
Pas kësaj situatë disa prej gardianëve kanë shkuar për të parë situatën e Çelepës, dhe ky moment është shfrytëzuar nga dy të dënuarit e tjerë Çekaj dhe Pjetri për t’u arratisur.
Ata janë hedhur nga hapesira e ajrimit tek zona e zyrave të administrates, e cila është jashtë perimetrit të sigurisë së lartë, mirëpo u kapën nga gardianët e tjerë.
Njëri prej ketyre te fundit ka marrë plagë në pjesën e kokës dhe disa fraktuara pasi është goditur nga 2 të burgosurit.
Izolimi
Të tre të ata, janë vendosur në izolim për 90 ditë, duke qënë nën rregjimin e mbikqyrjes së veçantë.
Shërbimi i Kontrollit të Brendshëm të Burgjeve, ka nisur një hetim për disa prej gardianëve të cilët dyshohen sa kanë bashkpunuar më 3 të burgosurit më qëllim arratisjen e tyre.
